WAZIRI MKUU MAJALIWA AIPONGEZA TCRA NA WADAU WENGINE KWA KUSAIDIA KONGAMANO LA UWEKEZAJI DODOMA

Waziri Mkuu Mhe. Kassim Majaliwa, akimkabidhi cheti cha shukrani Mhandisi Kiluwa Sepeku, kutoka Mamlaka ya Mawasiliano Tanzania (TCRA). Kutokana na ushiriki wake katika kongamano la Uwekezaji Dodoma. Anayeshuhudia ni Waziri wa Nchi Ofisi ya Waziri Mkuu (Uwekezaji), Mhe. Angella Kairuki.

Kaimu Mkuu wa Kitengo cha Mawasiliano na Uhusiano TCRA, Bw. Semu Mwakyanjala (watatu kulia), akitoa maelezo kwa mwananchi huyu aliyetembelea banda la Mamlaka hiyo wakati wa kongamano la uwekezaji Dodoma.

Maafisa kutoka Idara ya Uhamiaji wakiwahudumia wananchi katika banda la TCRA ambapo Uhamiaji na taasisi nyingine kama NIDA, Polisi na mitandao ya simu za viganjani wakiongozwa na TCRA waliendesha zoezi la usajili laini za simu kwa njia ya alama za vidole biomedtria.

NA K-VIS BLOG, DODOMA

WAZIRI Mkuu, Mhe. Kassim Majaliwa ameipongeza Mamlaka ya Mawasiliano Tanzania (TCRA) na wadau wengine kwa kulipa sapoti Kongamano la uwekezaji Dodoma.

Sambamba na pongezi hizo, Waziri Mkuu Majaliwa pia alimkabidhi cheti cha shukrani Mhandisi Kiluwa Sepeku kwa niaba ya TCRA.

TCRA litumia fursa ya kongamano hilo kuendesha zoezi la usajili wa laini za simu kwa kutumia alama za vidole biometria kwa ushirikiano na taasisi zingine za serikali zikiwemo Mamlaka ya Vitambulisho vya Taifa NIDA, Idara ya Uhamiaji, Jeshi la polisi kitengo cha Kuchunguza Uhalifu Mtandaoni pamoja na watoa huduma za mitandao ya simu za viganjani kama vile TTCL, Airtel, Tigo, Vodacom, Halotel na Zantel