Pages

▼

Monday, January 2, 2017

WAZIRI MKUU AMJULIA HALI MAJIMAREFU KAIRUKI HOSPITALI

Waziri Mkuu, Kassim Majaliwa akimpa pole mbunge wa Korogwe Vijijini, Steven Ngonyani ambaye amelazwa katika hospitali ya Kairuki, Mikocheni jijini Dar es salaam akitibiwa Januari 2, 2017. (Picha na Ofisi ya Waziri Mkuu)

 WAZIRI MKUU Kassim Majaliwa amemtembelea na kumpa pole Mbunge wa Jimbo la Korogwe Vijijini, Mhe. Steven Ngonyani (Profesa Majimarefu) aliyelazwa katika Hospitali ya Kairuki akipatiwa matibabu.

Akiwa hospitalini hapo leo (Jumatatu, Januari 2, 2017), Waziri Mkuu amesema amefurahi baada ya kumkuta Mbunge huyo anaendelea vizuri na kwamba afya yake inaridhisha.

Waziri Mkuu ametumia fursa hiyo kumtakia afya njema Mhe. Ngonyani. Amesema anaamini hivi karibuni atapona na kuruhusiwa kutoka hospitali.

Kwa upande wake Mbunge huyo ambaye amelazwa katika hospitali ya Kairuki iliyoko Mikocheni jijini Dar es Salaam, amemshukuru Waziri Mkuu kwa kwenda kumjulia hali.

Pia amesema anaendelea vizuri na anatarajia kwenda nchini India kwa matibabu zaidi mara taratibu zitakapokamilika.
 
IMETOLEWA NA: 
OFISI YA WAZIRI MKUU, 
2 MTAA WA MAGOGONI, 
S. L. P. 3021, JUMATATU, JANUARI 2, 2017

WALEVI UINGEREZA WAWAPA KAZI YA ZIADA MADAKTARI MWAKA MPYA

Madaktari nchini Uingereza wamejikuta wakiwa na wakati mgumu wa kutoa msaada kwa walevi waliookotwa wakiwa hoi baada ya kunywa kupindukia wakiukaribisha mwaka mpya.
Hali hiyo ilipelekea magari ya kubebea wagonjwa yakiwa bize kuwahudumia walevi waliozima badala ya jukumu la kuwahudumia wagonjwa wanaohitaji msaada wadharura.
      Msichana aliyejikuta akiwa amezimika kwenye benchi baada ya kuzidiwa na kileo
Shosti kazimika itakuwaje ?: Ni kama anawaza hivyo baada ya mwenzake kuzidiwa na pombe
Pombe si Maji: Marafiki wakimnyanyua mwanamke aliyezidiwa na kileo na kulala chini
     Hawa nao waliamua kuzichapa ngumi kavu kavu baada ya akili kutawaliwa na kileo

OLIVIER GIROUD KAMA 'MKHI' WA MAN U ATUMBUKIZA GOLI TAMU

Goli tamu la Olivier Giroud alilolifunga kwa mpira wa kisigino kwa nyuma limechochea ushindi wa Arsenal wa magoli 2-0 dhidi ya Crystal Palace na kukwea hadi katika nafasi ya tatu ya msimamo wa ligi.
Mfaransa Giroud alilazimika kujaribu bahati kwa kupiga mpira kwa mtindo wa shuti la Nge baada ya pande la Alexis Sanchez kupitia nyuma yake.
Arsenal ilipata goli lake la pili kupitia kwa Alex Iwobi aliyefunga kwa mpira wa kichwa, kabla ya Palace kupoteza nafasi nzuri ya kufunga iliyookolewa na kipa Petr Cech.
                          Olivier Giroud akifunga goli la kwanza la Arsenal kwa shuti la Nge
                                                         Alex Iwobi akifunga goli kwa mpira wa kichwa
at

No comments:

Post a Comment