ZOEZI LA "MNADA KWA MNADA" LINALORATIBIWA NA TCRA LAWAVUTA MAMIA YA WAKAZI WA MJI WA MOSHI

Afisa wa TCRA Kanda ya Kaskazini Bw. Oswald Octavian (katikati)

Abubakar Karinga(kushoto), Afisa Usajili Mkoa-NIDA Kilimanjaro, akitoa maelezo kwa watu waliofika kuhudumiwa katika "Mnadakw amnada" leo Juni 28, 2019.

 Dorice A.Mhimbira (kushoto), Afisa Masoko  TCRA, akimsikiliza mkazi wa Manispaa ya Moshi, aliyefika kwenye zoezi la "Mnada kwa mnada" kwenye stendi kuu ya Manispaa ya Mji wa Moshi Juni 28, 2019 ili kuhudumiwa.

 Afisa wa NIDA (kushoto), akiwahudumia wananchi

 Watoa huduma ya Mtandao wa simu za mikonini Tigo, wakisajili laini za simu kwa kutumia alama za vidole biometria

 Watoa huduma ya mitandao ya simu kutoka Airtel nao walikuwepo.

 Watoa huduma ya mitandao ya simu za mikononi kutoka Vodacom nao walikuwepo kuhudumia wananchi.

 Maafisa wq aNIDA wakiwa na zana zao tayari kutoa huduma.

  Afisa wa NIDA (kulia), akiwahudumia wananchi

Calistus Mhode (wapili kushoto), Mkaguzi Msaidizi wa Police Cyber Crime, akimuelimisha mwananachi huyu kuhusu athari za makossa ya kimtandao wakati alipofika kuhudumiwa kwenye mnada kwa mnada 

NA K-VIS BLOG, MOSHI

MAMIA ya wakazi wa Manispaa ya Mji wa Moshi Mkoani Kilimanjaro wamefurika kwenye zoezi la “Mnada Kwa Mnada” la kuwapelekea huduma wananchi huko waliko ili kusajili laini za simu kwa mfumo mpya wa kutumia alama za vidole yaani kitaalamu Biometria.

Kwa mujibu wa taarifa kutoka kwenye zoezi hilo ambalo linasimamiwa na TCRA, pia linahusisha taasisi nyingine za Umma na watoa huduma za mitandao ya simu ili kuwarahisishia wananchi kupata huduma mahala pamoja (One Stop Centre).

Taarifa hiyo imezitaja taasisi hizo kuwa ni pamoja na TCRA yenyewe, Mamlaka ya Vitambulisho vya Taifa (NIDA), Idara ya Uhamiaji, Kitengo cha polisi kinachosimamia makosa ya kimtandao yaani (Police Cyber Crime Department) na watoa huduma za mitandao ya simu za mikononi.

“Taratibu za kujisajili na mfumo huu mpya wa kutumia alama za vidole Biometria zinamtaka mtu anayetajka kujisajili sharti awe na kitambulisho cha taifa kinachotolewa na Mamlaka ya Vitambulisho vya Taifa,” Taarifa imesema na kuongeza…

Ili uwe na kitambulisho cha Taifa, ni lazima taarifa zako za uraia au ukazi zithibitishwe na Idara ya Uhamiaji ambapo zoezi hilo likikamilika, NIDA itatoa namba ya Kitambulisho cha taifa ambayo mwananachi ataiutumia ili kusajili laini yake kwa watoa huduma za mitandao ya simu za mikononi ambao ni TTCL, AIRTEL, TIGO, VODACOM, HALOTEL na ZANTEL.