IGP SIRRO AFANYA UKAGUZI WA KUSHTUKIZA KITUO CHA MABASI YAENDAYO MIKOANI NA NCHI JIRANI CHA UBUNGO

Mkuu wa Jeshi la Polisi nchini, IGP Simon Sirro akizungumza  na  madereva  wa mabasi ya abiria pamoja  na abiria wanaosubiri usafiri wa  kwenda mikoa mbalimbali  na nchi jirani baada ya kufanya ukaguzi wa kushtukiza  katika Kituo Kikuu cha mabasi yaendayo mikoani na nchi jirani cha Ubungo,  pamoja na kituo cha daladala cha Mbezi Luis.

( Picha na Jeshi la Polisi).

Mkuu wa Jeshi la Polisi nchini, IGP Simon Sirro akimuelekeza Kamanda wa Kikosi cha Usalama Barabarani Kamishna Msaidizi Mwandamizi wa Polisi (SACP) Fortunatus Muslim kuhakikisha kuwa magari na mabasi yote ya abiria yanakaguliwa mara kwa mara.  IGP Sirro alifanya ukaguzi wa kushtukiza jana  katika Kituo Kikuu cha mabasi yaendayo mikoani na nchi jirani cha Ubungo na Kituo cha Daladala cha Mbezi Luis ( Picha na Jeshi la Polisi)

Mkuu wa Jeshi la Polisi nchini, IGP Simon Sirro ( katika) akiwa katika ukaguzi wa kushtukiza  kwenye kituo cha mabasi yaendayo mikoani na nchi jirani cha Ubungo, (wa kwanza kushoto) ni  Kaimu Kamanda wa Kanda maalum ya Dar es salaam, Naibu Kamishna wa Polisi ( DCP) Lucas Mkondya akifuatiwa na Kamanda wa Kikosi cha Usalama Barabarani Kanda Maalum ya Dar es salaam, Kamishna Msaidizi wa Polisi (ACP) Awadhi Haji.  ( Picha na Jeshi la Polisi).

Mkuu wa Jeshi la Polisi nchini, IGP Simon Sirro (katika) alipofanya  ukaguzi wa kushtukiza  katika kituo cha mabasi yaendayo mikoani na nchi jirani cha Ubungo na kituo cha daladala cha Mbezi Luisi, (kushoto) ni Kamanda wa Polisi mkoa wa Kinondoni, Kamishna Msaidizi wa Polisi ( ACP) Murilo Jumanne Murilo.

……………………………………………………………………………………..

Na Jeshi la Polisi

Mkuu wa Jeshi la Polisi nchini, IGP Simon Sirro  amewataka madereva  na wamiliki wa mabasi ya abiria yaendayo mikoani na nchi jirani  pamoja na wamiliki na madereva wa mabasi madogo ya abiria maarufu kama daladala kuhakikisha wanayafanyia ukaguzi na matengenezo ya mara kwa mara magari yao ili kupunguza ajali zinazosababishwa na ubovu na uchakavu wa

magari.

IGP Sirro aliyasema hayo jana wakati alipofanya ukaguzi wa kushtukiza  katika Kituo Kikuu cha mabasi yaendayo mikoani na nchi jirani pamoja  na kituo cha daladala cha Mbezi  Luisi  kwa lengo la kuangalia  hali ya usalama wa kituo hicho,  kuona namna ukaguzi wa mabasi  ya abiria unavyofanyika kabla hayajaanza   pamoja na kusikiliza kero mbalimbali  za abiria.

“Nimefarijika kuona watendaji wa kituo hiki pamoja na askari wangu wakifanya kazi vizuri kwa ushirikiano mkubwa hali inayosaidia kupunguza kero mbalimbali kwa watumiaji wa kituo hiki”  alisema IGP Sirro

Aliongeza kuwa  Ubungo ni salama na itaendelea kuwa salama  kwa sababu vibaka wamepungua na wale wanaofanya utapeli katika kituo hicho waache mara moja na kutafuta kazi nyingine kwa kuwa mwisho wa siku wataacha familia zao baada ya kukumbana na mkono wa sheria.

Pia ameelekeza magari yote ya abiria yabandikwe namba simu zote za makamanda wa mikoa wa Kikosi cha Usalama Barabarani pamoja na Wakuu wa Polisi wa wilaya zote sehemu ambazo itakuwa ni rahisi kuonekana na abiria ili iwe rahisi kwao kutoa taarifa pindi wanapoona dereva anaendesha gari kwa kukiuka sheria na kanuni za usalama barabarani.

Aliwataka wananchi  kuendelae kushirikiana na Jeshi la Polisi katika kutoa taarifa za uhalifu na wahalifu ikiwa ni pamoja kutii sheria bila shuruti  na kutoa wito kwa  wamiliki wa magari, madereva pamoja na abiria kuwa wastaabu na kuhakikisha wanaheshimu sheria na kanuni za usalama barabarani kwa kuwa kila mmoja anafahamu madhara ya ajali.