Pages

▼

Wednesday, November 2, 2016

JAMBAZI MMOJA AUAWA KWA RISASI AKIPORA ABIRIA


Kamanda wa Polisi mkoa wa Arusha Naibu kamishna (DCP) Charles Mkumbo akitoa ufafanuzi kwa waandishi wa habari juu ya jambazi hilo lililowawa

                                                                                         Na Woinde Shizza,Arusha

Mtu mmoja anayesadikiwa kuwa ni jambazi alijeruhiwa kwa kupigwa risasi na askari Polisi kisha kufariki dunia wakati akipelekwa katika hospitali ya Monduli kwa ajili ya matibabu.

UN NA EU ZATOA EURO LAKI NANE KUSAIDIA WATOTO WA KIKE

Mwasisi wa Shirika la Faraja Young Women Development, Martina Simon Siara akitoa maelezo kwa Maafisa wa UN na EU wakati walipotembelea kituo shirika hilo. Kutoka kushoto ni Mwakilishi wa Mratibu Mkazi wa Mashirika ya Umoja wa Mataifa nchini, Amon Manyama, Mwakilishi wa EU ambaye ni Afisa Miradi, Anna Muro (wa pili kulia) pamoja na Mtaalamu wa Mawasiliano wa Umoja wa Mataifa (UN) nchini, Hoyce Temu (kulia).(Picha na Ferdinand Shayo).
 
Anna amesema kuwa watoto wengi wanakabiliwa na changamoto ya usafirishaji wa binadamu jambo ambalo ni kinyume cha haki za binadamu na haki za watoto hivyo amewataka Jamii na serikali kupiga vita usafirishwaji wa watoto.
 
Mwakilishi wa Mratibu Mkazi wa Mashirika ya Umoja wa Mataifa nchini, Amon Manyama amewataka watoto wanaoishi katika kituo hicho kutumia fursa ya mafunzo wanayoyapata kujiendeleza kielimu na kukua kiuchumi ili kutokomeza umasikini na mimba za utotoni kwa watoto wa kike.
 
Muasisi wa kituo hicho Martina Simon Siara ameshukuru ugeni kutoka UN na EU uliofika kituoni hapo kwa ajili ya kutazama shughuli mbalimbali zinazofanywa na kituo hicho pamoja na kuwaunga mkono ili waweze kuongeza tija katika kuisaidia jamii.
Mwakilishi wa Mratibu Mkazi wa Mashirika ya Umoja wa Mataifa nchini, Amon Manyama (wa pili kulia) na Mwakilishi wa EU ambaye ni Afisa Miradi, Anna Muro (wa pili kushoto) wakipata maelezo kutoka kwa Muasisi wa Shirika la Faraja Young Women Development, Martina Simon Siara (kulia) walipotembelea shirika hilo lililopo jijini Arusha.
Wawakilishi kutoka EU na UN wakitazama shughuli za mikono zinazofanywa na watoto wanaoishi katika kituo cha Faraja Young Women Development Unit walipotembelea kituo hicho hivi karibuni kilichopo jijini Arusha.
Mwakilishi wa Mratibu Mkazi wa Mashirika ya Umoja wa Mataifa nchini, Amon Manyama na Mwakilishi wa EU ambaye ni Afisa Miradi, Anna Muro wakishirikiana kuingiza shanga ambazo hutumika kushona mavazi ya utamaduni yanayoshonwa na watoto wa kike wanaoshi katika kituo cha Faraja Young Women Development Unit (katikati) ni mtoto mwenye ulemavu wa ngozi Rosemary Innocent.
Binti mwenye ulemavu wa ngozi, Rosemary Innocent na wenzake wakiendelea na darasa la kutengeneza vitu mbalimbali kituoni hapo.
Mwakilishi wa Mratibu Mkazi wa Mashirika ya Umoja wa Mataifa nchini, Amon Manyama (kushoto) na Mwakilishi wa EU ambaye ni Afisa Miradi, Anna Muro katika picha ya pamoja na binti aliyeshona vazi la kuvutia la kimasai lililonakshiwa na shanga walipotembelea kituo hicho.
Wawakilishi wa UN na EU wakitazama kitengo cha elimu ya mapishi katika Kituo cha Faraja Young Women Development Unit.
wanafunzi wanaojifunza ushonaji katika Kituo cha Faraja Young Women Development Unit.
Mwakilishi wa Mratibu Mkazi wa Mashirika ya Umoja wa Mataifa nchini, Amon Manyama akitazama mabinti wanaojifunza ushonaji nguo kituo cha Faraja Young Women Development Unit walipokitembelea kituo hicho kilichopo jijini Arusha.
Mtaalamu wa Mawasiliano wa Umoja wa Mataifa (UN) nchini, Hoyce Temu akifafanua jambo kwa vijana na watoto wanaoishi katika kituo hicho walipokitembelea jijini Arusha.
Mwakilishi wa EU ambaye ni Afisa Miradi, Anna Muro akizungumza na wale, vijana pamoja na watoto wanaoishi kwenye kituo cha Faraja Young Women Development Unit walipokitembelea kituo hicho kilichopo jijini Arusha.
Wawakilishi wa UN na EU katika picha ya pamoja na walezi na watoto wanaoishi kwenye kituo hicho.

DOGO DEMBELE AONYESHA KIWANGO KATIKA TIMU YA SCOTLAND U16



Kinda mwenye kipaji Karamoko Dembele, 13, ameshuka dimbani kwa mara ya kwanza na timu ya taifa ya Scotland U16, na kuonyesha uwezo mkubwa wa kusakata soka katika mchezo dhidi ya Wales.

Kocha wa Scotland, Brian McLaughlin, amemmwagia sifa Dembele, kwa kuonyesha uwezo wa hali ya juu na kuongeza nguvu katika kikosi cha Scotland katika mchezo huo ulioishia kwa sare ya magoli 2-2.
                                        Dogo Karamoko Dembele akimtoka mchezaji wa Wales 
                          Dogo Karamoko Dembele akiwafungasha tela wachezaji wa Wales

MESUT OZIL AIPELEKA ARSENAL HATUA YA 16 BORA LIGI YA MABINGWA ULAYA

Mesut Ozil amefunga goli zuri la dakika za mwisho lililoisaidia Arsenal iliyotoka nyuma kufungwa magoli 2-0 na kuibuka na ushindi wa magoli 3-2 dhidi ya Ludogorets Razgrad na kutinga hatua ya mtoano ya Ligi ya Mabingwa Ulaya.
Ozil alilifunga goli hilo akiwa ametulia baada ya kuudokoa mpira uliomshinda kipa na kukatiza katikati ya mabeki wawili kabla ya kuutumbukiza mpira kimiani akiwa karibu na goli la Ludogorets Razgrad.
Arsenal ambao walitaka kurudia kutoa kipigo chao cha magoli 6-0, walijikuta wakikabiliana na upinzani kwa kufungwa magoli mawili na Jonathan Cafu na Claudiu Keseru. Granit Xhaka alifunga goli la kwanza kwa Arsenal na Olivier Giroud akaongeza la pili.
                  Jonathan Cafu akishangilia kwa kukimbia baada ya kufunga goli la kwanza 
                                                       Olivier Giroud akifunga goli kwa mpira wa kichwa

TIMU YA MANCHESTER CITY YALIPA KISASI KWA BARCELONA

Manchester City imepambana kiume na kulipa kisasi cha kufungwa na Barcelona katika mchezo wa awali, baada ya kuibuka na ushindi wa magoli 3-1 kwenye dimba la Etihad katika mchezo wa Ligi ya Mabingwa Ulaya.
Katika mchezo huo Lionel Messi alifunga kiufundi goli lake la 90 katika ligi hiyo akimalizia pasi nzuri ya Neymar, hata hivyo goli hilo lilisawazishwa na Ilkay Gundogan akiunganisha pande la Raheem Sterling.
Manchester City ambao walikuwa wakitafuta ushindi wao wa kwanza dhidi ya Barcelona, waliandika goli la pili kupitia kwa mpira wa adhabu uliopigwa na Kevin de Bruyne na kisha Gundogan kuongeza la tatu.
                              Kevin de Bruyne akipiga mpira wa adhabu ulioandika goli la pili 
    Ilkay Gundogan akifunga goli katika usiku ambao alijikuta akipachika magoli mawili
                        Lionel Messi akishangilia goli lake akiwa na Luis Suarez na Neymar
at

No comments:

Post a Comment