Pages

▼

Thursday, September 1, 2016

RAIS DKT MAGUFULI ATEMBELEA KIKOSI CHA ANGA MAJUMBA SITA UKONGA

Amiri Jeshi Mkuu Rais wa Jamhuri ya Muungano wa Tanzania Dkt John Pombe Magufuli akipata picha ya pamoja na Wanajeshi wa JWTZ Kikosi cha Anga 603 KJ Majumba Sita Ukonga jijini Dar es salaam alikotembelea kuwapongeza kwa kusherehekea miaka 52 ya Jeshi la Wananchi leo Septemba 1, 2016

RAIS DKT MAGUFULI AFUNGUA MKUTANO MKUU WA WAHANDISI

Rais wa Jamhuri ya Muungano wa Tanzania Dkt John Pombe Magufuli akifungua Mkutano Mkuu wa 14 wa Wahandisi katika ukumbi wa Mlimani City jijini Dar es salaam leo Septemba 1, 2016

JELA MIAKA 10 NA VIBOKO 2,000 KWA KUTOAMINI KAMA MUNGU YUPO

                                                                Mfalme Abdullah wa Saudi Arabia 
Mahakama nchini Saudi Arabia imeagiza mwanaume mmoja kuchapwa viboko 2,000 na kifungo cha miaka 10 jela, kwa kudharau Kuraan na kutoamini kama Mungu yupo akitumia twitta yake.
Mwanaume huyo mwenye miaka 28, amehukumiwa katika taifa hilo la Kiislam, baada ya polisi kubaini kuwa katuma twitti 600 zenye kuonyesha imani yake ya kuwa hakuna Mungu.
Chini ya Sheria za Saudi Arabia zilizoanza kutumika miaka miwili iliyopita kutokuamini uwepo wa Mungu ni sawa na kosa la kigaidi

BASTIAN SCHWEINSTEIGER ATOKWA NA MACHOZI AKIAGA KUICHEZEA TIMU YA TAIFA YA UJERUMANI

Mjerumani Bastian Schweinsteiger amejikuta akibubujikwa na machozi wakati umati wa mashabiki ukimuaga katika mchezo wake wa mwisho kuichezea timu ya taifa ya Ujerumani.
Mchezaji huyo wa Manchester United ameacha rasmi jana kuicheza timu ya taifa ya Uingereza baada ya kuicheza mechi 121.
Katika mchezo huo wa jana dhidi ya Finland, Ujerumani inayonolewa na kocha Joachim Low ilishinda kwa magoli 2-0.
   Bastian Schweinsteiger akibebwa na kurushwa juu na wachezaji wenzake wa Ujerumani
                  Bastian Schweinsteiger akiwa amekumbatiana na kocha Joachim Low

WIZARA YA AFYA KUFANYA UZINDUZI WA KONDOMU MPYA MKOANI MWANZA.



Baada ya juzi Agost 30,2016 Wizara ya Afya, Maendeleo ya Jamii, Jinsia, Wazee na Watoto, kuzindua aina mpya ya Kondomu iitwayo Zana Kondomu mkoani Mbeya, Uzinduzi kama huo unatarajiwa kufanyika mkoani Mwanza Septemba 05,mwaka huu.

Afisa Habari Sekretarieti ya Mkoa wa Mwanza, Atley Kuni (pichani), jana alisema mkoa wa Mwanza unatarajia kupokea ugeni kutoka wizara hiyo ambao utajumuisha wataalamu mbalimbali wa afya watakaokuwa wakitoa semina na elimu kwa njia mbalimbali ikiwemo kutumia vyombo vya habari, wakielezea juu ya uzinduzi wa kondomu hiyo.

Alisema miongoni mwa dhumuni la kuzindua aina hiyo mpya ya Kondomu, ni kusaidia katika mapambano dhidi ya maambukizi ya virusi vya Ukwimwi ambapo Wizara itakuwa ikigawa bure kondomu hizo zenye ubora kwa wananchi, kote nchini. Na BMG
Afisa Habari Sekretarieti ya Mkoa wa Mwanza, Atley Kuni
Baadhi ya Wanahabari mkoani Mwanza, wakimsikiliza Afisa Habari Sekretarieti ya Mkoa wa Mwanza.

UHAMISHO WA WACHEZAJI UINGEREZA WAFIKIA KIASI CHA PAUNDI BILIONI 1.1

Klabu za Ligi Kuu ya Uingereza zimetumia zaidi ya paundi milioni 155 katika siku ya mwisho ya uhamisho na kuweka rekodi ya uhamisho wachezaji uliofikia kiasi cha paundi bilioni 1.165.
Kabla ya kufikia jana timu za Uingereza zilishakuwa zimetumia kiasi cha paundi bilioni 1.005, na sasa uhamisho wa msimu huu wa majira ya joto, umevunja rekodi ya mwaka jana ya paundi milioni 870.
Klabu 20 zinazoshiriki ligi kuu ya Uingereza zimenufaika na makubaliano ya malipo ya televisheni yaliyoweka rekodi ya paundi bilioni 5.1 kuanzia msimu huu.
Mchezaji wa Manchester United Paul Pogba uhamisho wake unaofikia paundi milioni 100 umeweka rekodi

CHELSEA YAMREJESHA TENA LIGI KUU YA UINGEREZA BEKI DAVID LUIZ

Chelsea imemrejesha tena katika dimba la Stamford Bridge, David Luiz, baada ya kukamilisha uhamisho wa paundi milioni 32.
Beki huyo raia wa Brazil amejiunga tena na ligi kuu ya Uingereza kwa mkataba wa miaka mitatu baada ya kuondoka muda wa miaka miwili, baada ya kuondoka kujiunga na Paris Saint-Germain ya Ufaransa.
                    David Luiz akionyesha ishara ya dole gumba kuashiria mambo ni safi

RC ARUSHA AKUTANA NA KUFANYA MAZUNGUMZO NA VIONGOZI WA DINI

1 
Mkuu wa mkoa wa Arusha,Mheshimiwa Mrisho Gambo(katikati)akizungumza na Askofu wa Kanisa la Anglikan,Dayosisi ya Mount Kilimanjaro,Stanley Hotay(kushoto) alipomtembelea ofisini kwake.  
Askofu wa Kanisa la Anglikan,Dayosisi ya Mount Kilimanjaro,Stanley Hotay (kushoto) akizungumza na Mkuu wa mkoa wa Arusha, Mrisho Gambo 
Mkuu wa mkoa wa Arusha,Mheshimiwa Mrisho Gambo akiagana na Askofu wa Kanisa la Anglikan Dayosisi ya Mount Kilimanjaro,Stanley Hotay(kulia) baada ya mazungumzo yao.

                                                                                      Nteghenjwa Hosseah – Arusha

Mkuu wa mkoa wa Arusha,Mrisho Gambo ameendelea na ziara yake ya kujitambulisha kwa viongozi wa dini ukiwa ni utaratibu aliojiwekea wa kukutana na viongozi baada ya kuteuliwa kushika wadhifa huo hivi karibuni.
 
Mh.Gambo amekutana na Askofu wa Kanisa la Kiinjili la Kilutheri Tanzania(KKKT)Dayosisi ya Kaskazini Kati,Mchungaji Solomon Masangwa , Askofu wa Kanisa la Evangelistic Assemblies of God(EAGT) mkoa wa Arusha,Leonard Mwizarubi na Askofu Stanley Hotay wa Kanisa la Anglikana , Dayosisi ya Mount Kilimanjaro.

Katika mazungumzo na viongozi hao kwa nyakati tofauti mbali na kujitambulisha aliwahakikisha dhamira ya serikali kulinda na kuheshimu uhuru na haki ya kuabudu ambayo imekuwepo nchini kwa muda mrefu ikiwa ni njia ya kuwa na taifa la watu wenye hofu ya Mungu.

ALICHOKISEMA ALIYEKUWA KATIBU WA CHADEMA MKOANI MWANZA BAADA YA KUTIMKIA CCM.

Aliyekuwa Katibu wa Chama cha Demokrasia na Maendeleo Chadema mkoani Mwanza, John Nzwalile (kulia), akirejesha kadi ya chama hicho kwa Mwenyekiti wa Chama cha Mapinduzi CCM mkoani Mwanza, Dkt.Antony Diallo katika ofisi za CCM hii leo. Na BMG
 
Nzwalile ambaye pia alikuwa Mjumbe wa Mkutano Mkuu Chadema Taifa, Mjumbe Baraza Kuu Chadema Taifa, Mwenyekiti wa Baraza la Mashauriano Chadema Mkoa wa Mwanza, amefikia uamuzi huo baada ya jana kujivua vyeo hivyo.

Amesema amefikia hatua hiyo kutokana na kwamba Chadema imepoteza mwelekeo kwani kimekuwa kikiibuka na oparesheni za kuichonganisha serikali na wananchi huku pia demokrasia ikikosekana ndani ya chama hicho.

"Kama ni udikiteta basi mimi niseme Chadema ndiko kuna udikiteta kwani zaidi ya mara tatu nimemsikia Lowasa (Edward Lowasa, aliyekuwa mgombea urais 2015) akisema yeye ndiye mgombea urais mwaka 2020, kwa kikao gani". Amesema Nzwalile na kuongeza kwamba yale mambo yote mabaya yaliyokuwa yakifanyika ndani ya CCM yamenyooshwa hivyo hakuna haja ya yeye kuendelea kukaa Chadema.

Amesema atazunguka Wilaya zote ili kuhakikisha anawarejesha wengine ndani ya CCM huku akiwa na jukumu moja la kuubomoa Ukuta unaoelezwa kujengwa na Chadema kwani ni ukuta wa tope hivyo atatumia tu maji kuubomoa.

Nzwalile amekaribishwa ndani ya CCM na Mwenyekiti wa Chama hicho mkoani Mwanza, Dkt.Antony Diallo, ambaye pia amewakaribisha makada wengine wa upinzani kuhamia CCM akisema kwamba chama hicho kinaendesha mambo yake kidemokrasia.
at

No comments:

Post a Comment